ye kya ashru koi parinaam pranayviyog,
ya manav anusandhan ka koi mahaprayog,
manav mastishq ki chahi anchahi upaj,
ya anjaane hi utpann koi naya yog......
ye neer ki amulya boondein,
ya vyartha sharir apvyay,
kabhi anmol moti samaan jhilmilaye,
kabhi dwesh me naino se manav pida darshaye...
kaisa kaisa ankhon ka pani,
sabki apni alag kahani........
dukh viyog ko karna ho pradarshit,
sukh aseem ho kisi par anukampit.
kabhi andhero me shwet moti sa chamakta,
kabhi lakhon ki bhid me na pehchana jata.
dharein kabhi pradarshit kare apni pehchaan,
sukh-dukhsabme samaan roop se chalakta.....
ASHRU PEHCHAAN VYAKTITVA KI,
YAADON KE ASTITVA KI...
NISCHAL PRANI MATRA KI PARIKALPANA,
........................................................................
YA ANTIM PARINATI MANAV VISHWA KI.....
No comments:
Post a Comment