aaj phir kuch likhne ko kalam uthi hai,
par na jane kyu in aankhon me kuch nami si hai...
khud par likhna toh shauk tha mera ,
par na jane kyu aaj yeh kalam kuch thami si hai...
zindagi ki kitaab ko phir se palat raha hu main,
panno ko palatate hue dekh raha hu main....
jaise hi likhna chahu haath tham jate hain yeh dekhkar,
ki meri zindagi me panno ki kuch kami si hai....
phir bhi likhne baitha hu kuch sochkar,
sochta hu ki woh hamare na ho sake galti kiski thi...
shayad isi wajah se aaj phir aankhon me kuch nami si hai,
shayad isiliye meri panktiyon me aaj kuch gami si hai...
aksar kuch saye aisa yaad dilate hain,
phir andhero me khud ko kahi tanha khada pate hain...
kabhi yeh dikhate ki kitne ajnabi hain sab yahan,
kabhi lagta hai arey yeh toh koi meri apni si hai....
No comments:
Post a Comment