phir jal gayi zindagi ki kitaab,
rakh ke dher me kuch dhundne ki koshish karta hu...
par raat hui baarish ne bhigo diya sab kuch,
phir bhi kichad me kuch apna pane ki koshish karta hu...
rishtey mere jo chhodh diye they maine,
phir unhe apna banane ki koshish karta hu...
jaise bhi ho rishtey mere ab ,
par phir se khud ko ajmane ki koshish karta hu....
waqt ki dhoop ne jama diya us dher ko,
main bhi phir se ek patthar ban jane ki koshish karta hu....
janta hu itni taqat nahi ab mere paas ,
lekin phir se us patthar ko pighlane ki koshish karta hu....
yaadein hi toh hain mere paas,
jiske dam par us dher ko hilane ki koshish karta hu....
na chodey koi kabhi kisi ka saath,
bus sabhi ko yahi tasveer dikhane ki koshish karta hu....
No comments:
Post a Comment